اسلام آباد ہائیکورٹ بار ایسوسی ایشن کے صدر نوید ملک کی جانب سے 25 اگست کو جاری پریس ریلیز میڈیا سے شئیر کی گئی ہے
جس میں وزارت قانون کے بعد ہائیکورٹ بار نے بھی چیف جسٹس عامر فاروق کے خلاف سوشل میڈیا مہم کی شدید مذمت کرتے ہوئے کہا " چیف جسٹس اسلام آباد ہائیکورٹ اپنی دیانتداری اور قابلیت کی وجہ سے جانے جاتے ہیں سوشل میڈیا پر چیف جسٹس عامر فاروق کو ٹارگٹ کر کے بدنیتی پر مبنی مہم چلائی جا رہی ہے
چیف جسٹس عامرفاروق کی یہ خصوصیات انکے غیر جانبدارانہ اور میرٹ پر مبنی فیصلوں میں نظر آتی ہیں مذموم مقاصد پر مبنی یہ بے لگام مہم چیف جسٹس عامر فاروق کی بے عیب شہرت کو داغدار کرنے کی کوشش ہے بدنیتی پر مبنی یہ دانستہ مہم ممتاز جج کے قد کو کم کرنے اور عوام کا عدلیہ پر اعتبار کم کرنے کی کوشش ہے
ہائیکورٹ بار پر عزم ہےکہ ایسی بدنیتی پرمبنی کوششوں کو کسی بھی قیمت پر بھی کامیاب نہیں ہونے دے گی "